Går frå FN-jobb til programdirektør i Norec
Margunn Indrebø Alshaikh (41) er tilsett som avdelingsdirektør i Norec. Ho kjem frå stillinga som visedirektør ved FN sitt kontor i Botswana.
Alshaikh er opphavleg frå Angedalen i Førde. Ho har tre mastergrader i henholdsvis utvikling, internasjonal politikk og antropologi. Dei siste 14 åra har ho jobba i FN, både i Sudan, Libanon og Botswana.
Alshaikh har lang erfaring frå ulike land der Norec og norsk bistand har prosjekt, i tillegg til lang leiarerfaring.
