Johansen utfordrar regjeringa om støtte til dei som godtek Trump-vilkår

– Vi håpar norske myndigheiter, som i dag også finansierar våre konkurrentar, vil stille tydelege krav til sine samarbeidspartnarar.

Det stod det i pressemeldinga frå Norsk Folkehjelp som annonserte at organisasjonen ville tape 400 millionar kroner og 1700 tilsette grunna at dei avslår krav knytt til abort, likestilling og mangfalds-arbeid frå Trump-regjeringa. 

– Kva forventar de konkret at regjeringa skal gjere?

Johansen seier til Panorama at verdiane organisasjonen no har stått opp for, er noko av kjernen av det som utviklingsminister Åsmund Aukrust er oppteken av.

Likestilling er del av det Norge skal jobbe med i verda. 

– Då blir det ei utfordring for Norge framover å gi pengar til organisasjonar som aksepterer desse vilkåra, seier Johansen. 

Håpar på nei-effekt

Sjølv oppfattar han at Norsk Folkehjelp står trygt på sine eigne og norske verdiar.

– Eg håper at det skal bety noko, seier han.

Då Norsk Folkehjelp gjekk ut med dette torsdag 3. september, opplevde Johansen eit stort engasjement på blant anna Facebook.

– Folk meiner ulike ting, men eg trur at mange synest det har vore viktig å stå opp for nokre prinsipp sjølv om det kostar oss ein del.

Panorama Nyheter har vore i kontakt med UD angåande oppfordringa frå Johansen. Dei ønsker ikkje å kommentere saka på dette tidspunktet. 

– Dette vil vi kome tilbake til i slutten av neste veke, skriv Helene Sandbu Ryeng, kommunikasjonssjef for utviklingsministeren i ein e-post til Panorama fredag 4. september.

Les meir om denne saka: 

Norsk Folkehjelp seier nei til amerikanske krav: Kan tape 400 millionar og 1700 stillingar

40 prosent av Norsk Folkehjelps inntekter kjem frå amerikanske midlar. No vil dei fase ut samarbeidet.

Tillitsvalt i Norsk Folkehjelp einig i avgjerda: – Vi hadde ikkje noko anna val

1700 vil miste jobben globalt som følge av at Norsk Folkehjelp stiller seg imot amerikanske krav. Mellom 40 og 50 av dei er på hovudkontoret i Norge, bekreftar generalsekretær Raymond Johansen.

Les meir frå Panorama:

• 

  Gamalt nytt frå Aukrust

• 

  Gir 19 milliarder til kristen helsebistand, men flere norske aktører sier nei til Trump-støtte

• 

  – Vi må gjøre ting bedre. Det klarte ikke Solberg i løpet av åtte år

• 

  Solberg går hardt ut mot Vendepunkt: – Dette gjer Ap kvar gong

• 

  – Om man skal kalle seg Faktisk.no, må man sjekke fakta