Forventa levealder lavare enn før
ADDIS ABEBA: Forventa levealder i Afrika har falle med 15 år dei to siste tiåra. Innan år 2005 vil dei fleste afrikanarar døy før dei fyller 48 år, melder IRIN og BBC-news.
Dette er hovudsakleg på grunn av spreiing av AIDS, i tillegg til effektar av kontinuerleg krig og fattigdom. Kvinner og barn er dei mest utsette gruppene, og behova deira må adresserast. Dette kom fram på den fjerde generalforsamlinga til the African Population Commission (APC) om befolkninga i Afrika, i februar 2002. Europearar lever gjennomsnittleg 30 år lenger enn afrikanarar.
